غصب عني

يا دمعة هربانة
مني
غصب عني
مش بلومك
حاسة بضعفك
وحاسة إني
لسه خايفة
من جنونك
وانا لسه خايفة
م الفراق
خايفة أيوه
ما القلب داق
نار وغربة
وإشتياق
والليالي باردة
وانا مشاعري
شاردة
و حاسه باختناق
ومهما اوصفلك
مشاعري
طوفان أنين
وغصب عني
رغم شفتك
مسمعتش
غير كلمتين
شايفة دموعك
يا قلبي
وخايفة م السنين
واداري واخبي
وادعي يا ربي
ليه فايتني للظنون
مهما اداري
حزني ف بعدك
مهما اقول
وف مرارة
الحزن عندك
رغم فرحة لقاكي
لسه خايفة
يا مشاعري
يوم ما اشوفك
دمعة تخونني
بس الحقيقة
جوايا بيبكي
رغم حبك
رغم إنك
جوه قلبك
مشاعر رقيقة
بس الحقيقة
مهما طال غيابك
عمر دمعة
ما هتعوض
فرحة جاية ف
يوم من بعادك


بقلم / وفاء محمود كحيل
‏الثلاثاء‏، 25‏ كانون الاول‏، 2007