خضار حرفين
رسمتلك من دمعتك صورة
لبحر حزين ف كل أوان
غرقت بيه أنا لوحدي
وروحي عاشت ف الأحزان
واتاري العمر من بعدك
غريب وبيه أنا تعبان
يا نسايم ورد متجرح
ومليش مطرح ولا حتى مكان
ببعتلك سلام م الروح
وانا وقلبي بنروح أوطان
وواخدالك خضار القلب
متشبتة فيه الأغصان
ورودي بجناين الروح
مزروعة مراكب فيه مهيش
تايهة وخضار بستان
وانا قلبي من غيرك
يتيم القلب حزين خالص
ملوش ف بعادك خلان
تعبت من خوفي عليهم
ومنيش بعرف أداويني
ولو طلت السما بإيدي
متكفيش عشان أنا انسان
وحكمة ربي ما اوصلشي
ومقدرشي عالكتمان
ولو سكت الكلام كله
ودمعي أصبح طوفان
مصيري أصبر وانا وقلبي
دمعة بتقاسي م الحرمان
وسامحوني لو سكت نبضي
أو تهت لحظة ولا حتى ثواني
وعشانكم كلمتي حرة
وحرفي عايش ف أمان
وفيني انا وفينه خضار حرفين
لكن دبلوا بإيدين فنــان
بقلم / وفاء محمود كحيل
الاحد، 01 حزيران، 2008
