لملم حروف
إياك تسافر في الهموم
وارمي الورق واكسر قلم
واياك تهاجر كل يوم
حلمك دايما للعدم
لملم حروف ويا دوب تشوف
دم الحروف بينزف دهب
ومهما تعمل لابد تعيش
ألم الخوف وتترعب
ماليش دعوة يا عم
حاسة الألم قلبي اتظلم
دبح الكلام فرحتي
بسكين ودم
والجرح لسه بيكبر
والصديد بيزيد وهم
واياك تسافر في كلمتي
دي غنوتي واياك تقرب
لحنها مكتوم ف قلبي
وشكوتي وحقي بيهرب
وروح يا عم سافر لوحدك
ما بقاش حق يرجع لصاحبه
أو يعيش
رغيف الحرف متغمس بغصة
والعذاب بقشيش
ابكي إيه ولا ايه
خفافيش بتعشش ف جنتك
وسن القلم ما فيش
ومفضلش غير تناتيش ورق
ودموع ع السطر بتتكتب
بقلم / وفاء محمود كحيل
الأحد، 10 آب، 2008
