في قصر عايش
ومنيش بطير
محكــوم عليا
حــيران أسير
ليا جناحين
موش مقصوصين
وفي المدى لكن
مش مفرودين
تحسدني العيون
فرشي حرير
والمية جنبي
وانا الضرير
منيش بشوف
غير ف الحدود
والدنيا بره
حلمي الكبير
يا قلوب حجر
آه يا بشر
يا دروب بعيدة
قلبي انفطر
ولادي هناك
فوق عالشجر
وانا هنا قلبي كسير
ولو ميت ألف قصر
من زي دول
لو قشة واحدة
بميت سرير
وليه عشان بصة بس
وانا جوه ف تابوت كبير
بقلم / وفاء محمود كحيل
الخميس، 26 حزيران، 2008
