جاي تاني ؟؟؟؟؟




جاي تاني تزرع مرار
ولا تنبش حلمي اللي مات
جاي تلعب تاني بمشاعري
وتحيي رماد الذكريات
بس بعدك واياك تحاول
عمري ما هافضل ف السكات
قلبي عايش يمكن وحيد
أو بيرضيه الموات
بس برضه عايش سعادة
وابتسامة بتخلق حياة
جاي تقاوح تاني وفاكر
إن ممكن انسى الساعات
واني أقدر انسى واسامحك
أو ارجع اللي فات
لأ بتحلم غلطة وكانت
إني ازرع في أرض بور
إني اقدر اسلم لغدرك
أو أغالط في الشعور
دا انا شربت ياما
من غدرك كاسات


بقلم / وفاء محمود كحيل
‏السبت‏، 25‏ تشرين الأول‏، 2008